القراءات اليوميّة

قالَ الرَبُّ يَسوع: «أَلآبُ يُحِبُّنِي لأَنِّي أَبْذُلُ نَفْسِي، لِكَيْ أَعُودَ فَأَسْتَرجِعَهَا.
لا أَحَدَ يَنْتَزِعُهَا مِنِّي، بَلْ أَنَا أَبْذُلُهَا مِنْ تِلْقَاءِ نَفْسِي. لِي سُلْطَانٌ أَنْ أَبْذُلَهَا، ولِي سُلْطَانٌ أَنْ أَعُودَ فَأَسْتَرْجِعَهَا. هذِهِ الوَصِيَّةُ قَبِلْتُهَا مِنْ أَبِي».
فَحَدَثَ مِنْ جَدِيدٍ شِقَاقٌ بِينَ اليَهُودِ بِسَبَبِ هذَا الكَلام.
وكَانَ كَثِيرُونَ مِنْهُم يَقُولُون: «بِهِ شَيْطَان، وهُوَ يَهْذِي. فَلِمَاذَا تَسْمَعُونَ لَهُ؟».
وآخَرُونَ يَقُولُون: «هذِهِ الأَقْوَالُ لَيْسَتْ أَقْوَالَ مَنْ بِهِ شَيْطَان! هَلْ يَقْدِرُ شَيْطَانٌ أَنْ يَفْتَحَ عُيُونَ العُمْيَان؟».

يا إِخوَتِي، الْمَسِيحُ لَمْ يَدْخُلْ إِلى قُدْسِ أَقْدَاسٍ مَصْنُوعٍ بِالأَيْدِي، هُوَ رَمزٌ إِلى القُدْسِ الحَقِيقِيّ، بَلْ دَخَلَ إِلى السَّماءِ عَيْنِهَا، لِيَظْهَرَ الآنَ أَمَامَ وَجْهِ اللهِ مِنْ أَجْلِنَا.
ولَمْ يَدخُلْ لِيُقَرِّبَ نَفْسَهُ مِرَارًا، كَمَا يَدْخُلُ عَظِيمُ الأَحْبَارِ إِلى قُدْسِ الأَقْدَاسِ كُلَّ سَنَة، بِدَمٍ غَيْرِ دَمِهِ،
وإِلاَّ لَكَانَ عَلَيْهِ أَنْ يَتَأَلَّمَ مِرَارًا مُنْذُ إِنْشَاءِ العَالَم. لكِنَّهُ ظَهَرَ الآنَ مَرَّةً واحِدَة، في مُنْتَهَى الدُّهُور، لِيُبْطِلَ الخَطِيئَةَ بِذَبِيحَةِ نَفْسِهِ.
وكَمَا هُوَ مَحْتُومٌ على النَّاسِ أَنْ يَمُوتُوا مَرَّةً واحِدَة، وبَعْدَ ذلِكَ تَكُونُ الدَّيْنُونَة،
كَذلِكَ المَسِيحُ قَرَّبَ نَفْسَهُ مَرَّةً واحِدَة، لِيَحْمِلَ خَطايَا الكَثِيرِين؛ وَسَيَظْهَرُ ثَانِيَةً، بِمَعْزِلٍ عَنِ الخَطِيئَة، لِيُخَلِّصَ الَّذِينَ يَنْتَظِرُونَهُ.

وُلِدَ في جزيرة قبرص، من أبوين فاضلين. تزوج ورُزِقَ بأولاد. لكن، زوجته وأولاده توفوا جميعًا. فترك العالم ومباهجه، وقرر الزهد وسلوك طريق الرب. وزع ماله وأرزاقه على الفقراء. أصبح كاهنًا، ثم بطريركًا على الإسكندرية. ومنذ صغره، عُرِفَ بفضيلة الرحمة، فأُطلِقَ عليه تسمية الرحوم. توفي سنة ٦١٦.

زوّادتنا اليوم بتدعينا إنّو ما نستحي نعبّر عن محبتنا للأشخاص اللي حوالينا. الحب هو أساس الحياة. اسمعو هالخبريّه:
هو كان رجّال قوي وهي كانت بنت ناعمه وحسّاسه. تزوّجو وعاشو أحلى عيشه. صار عندهن ولاد. كبرو وريّشو وطارو كل واحد لحياتو. ومتل كل بيّ وإمّ، رجعو لوحدتهن اللي بلّشوا فيها حياتهن. وهيك فقدت المرا بسمتها وصارت عايشه بوحده رهيبه، لدرجه إنّو ما عادت تترك الفرشه.
خاف زوجها عليها ونقلها ع المستشفى بركي بيلاقولها علاج للمرض اللي عم ينهش جسمها. ولكن كل طبيب كان يفحصها كان ينفض إيديه عاجز عن إيجاد الدوا والعلاج المناسب. آخر إختصاصي أخد الرجّال ع جنب وقلّو:
- يا حبيبي، مرتك بكل بساطه مش حابّه بقا تعيش. ومن دون ما يقول أي كلمه، فات الرجّال ع غرفة مرتو، قعد حدّها، مسكلها إيدها اللي اختفت بإيدو الضخمه وقلّها:
- إنتِ مش رح تموتي...
- ليش؟ سألتو مرتو بصوت خفيف.
- لأنو أنا بحاجه إلك، جاوبها الزوج.
وبابتسامه خفيفه وعيون فرحانه بتتطلّع فيه وبتقلّو:
- دخلك، ليش ما قلتلّي هالشي من زمان؟
ومن بعد هالحادثه تحسّنت المرا، واليوم هي بصحّه جيده، بينما بعدهن الأطباء عم يفكّرو شو ممكن يكون مرضها، وشو هو هالدوا العجيب اللي صحّحها بسرعه.

الزوّاده بتقلّي وبتقلّك،

ما تنطر بكرا لتقول لشخص إنك بتحبّو. وما تفكّر تقول: «بس إمّي وبيّي وخيّي وأختي ومرتي وأولادي بيعرفو هالشي». يمكن مظبوط. ولكن هل يا ترى إنت بتتعب إذا سمعت حدا عم بيكرّر ويقلّك: «أنا بحبك؟!».

لما بيتعبو عقول وقلوب البشر، بيكون صار وقت الامتحان، وكلنا منوقع بالفخ اغلب الاوقات يا رب ومننق ومنكفر ومنطالبك وينك؟ كل مرة منتعب بتكون فرصة للشر تا يعيش من خلال افكارنا وتصرفاتنا. وانت بتعرف قديش في امور بتتعب يا رب. لما بتكبر فينا مساحة القبور والسواد وما منحاول نتطلع لأبعد، للسما، لمطرح ما صليبك ارتفع فدا، وتعمّد دم وحمل كل الشر وغلبو بالحب، لما بيصير سهل علينا نقسى وننسى، ونصرخ ونغضب، نجّينا من حالنا يا رب اطلب من امّك تهدّي خاطرنا وتعلّمنا من جديد الصبر والتواضع وانتظارك. آمين!